Culfa rayonunun Camaldın kəndində sakinlərə “myGov” mobil tətbiqi və onun imkanları barədə ətraflı məlumat verilib. Maarifləndirmə zamanı tətbiqin istifadə qaydaları, dövlət xidmətlərindən elektron formada yararlanmaq imkanları və vətəndaşlar üçün yaratdığı üstünlüklər izah olunub. Görüş zamanı sakinlərin sualları cavablandırılıb, tətbiqdən istifadə ilə bağlı müvafiq tövsiyələr verilib.