Qərbi Azərbaydandan olan, rayonunun Gülüstan kəndində yaşayan Zeynalov İsmayıl Məhərrəm oğlu Culfa Rayon İcra Hakimiyyətinin əməkdaşları tərəfindən yaşadığı mənzildə ziyarət olunub. Görüş zamanı İsmayıl müəllim bildirdi ki, 1946-cı il noyabr ayının 2-də Qərbi Azərbaycanın Sisyan rayonunun Urud kəndində anadan olub. 1950-ci ildə Sisyan rayonundan bu gün yaşadığı Gülüstan kəndinə köçüb. İsmayıl müəllim qeyd etdi ki, anası Sisyan rayonunda yaşadığından 1958-ci ildə onun yanına qayıdır. 1962-ci ildə isə Şirvan şəhərinə köçür və orta təhsilini də burada başa vurur. İsmayıl müəllim 1974-cü ildə Azərbaycan Dövlət Pedaqoji İnstitutunu bitirdikdən sonra yenidən Culfa rayonunun Gülüstan kəndinə qayıdır və burada pedaqoji fəaliyyətlə məşğul olur.
5 övlad, 10 nəvə sahibi olan İsmayıl müəllim doğulub boya-başa çatdığı ata-baba yurdundan, Urud kəndindən böyük sevgi və həsrətlə söhbət açaraq, uşaqlıq illərinə qayıtmaq arzusu ilə yaşadığını bildirdi.