Torpaqlarımızın azadlığı və suverenliyi uğrunda canlarından keçən şəhidlərimiz daima xatırlanır və xatirələri əziz tutulur. Xalqımızın igid övladları anım günlərində, mövludlarında, bir sözlə bütün əlamətdar günlərdə məzarlarına gedilərək yad edilirlər. Bu mənada qarşıdan gələn Novruz bayramı ərəfəsində Culfa Rayon İcra Hakimiyyəti başçısının müavini, başçının səlahiyyətlərini müvəqqəti icra edən Sara Hüseynova, icra hakimiyyətinin əməkdaşları, Hüquq mühafizə orqanları və idarə müəssisə rəhbərləri ilə birgə respublikamızın ərazi bütövlüyü uğrunda canlarından keçən şəhidlərin məzarlarını ziyarət ediblər.