Vətəndaşların müraciətlərinə operativ baxılması və məmnunluğun təmin edilməsi məqsədilə Culfa Rayon İcra Hakimiyyəti başçısının müavini, başçının səlahiyyətlərini müvəqqəti icra edən Sara Hüseynova Dizə kəndində səyyar qəbul keçirib. Qəbulda icra hakimiyyətinin məsul şəxsləri ilə yanaşı idarə və müəssisə rəhbərləri də iştirak ediblər. Kənd sakinlərinin su və qəbiristanlıq üçün yer ayrılması ilə bağlı səsləndirdikləri məsələlər dinlənilib, problemlərin aradan qaldırılması nəzarətə götürülüb. Vətəndaşlar müraciətlərinə baxılması məqsədi ilə yaradılan şərait üçün razılıqlarını ifadə edərək göstərilən diqqət və qayğıya görə ölkə başçısına minnətdarlıqlarını bildiriblər.