Culfa Rayon İcra Hakimiyyəti başçısının müavini, başçının səlahiyyətlərini müvəqqəti icra edən Sara Hüseynova Göydərə kənd inzibati ərazi dairəsi üzrə nümayəndəliyin əhatə etdiyi ərazidə yaşayan vətəndaşları qəbul edib. Qəbulda icra hakimiyyətinin məsul şəxsləri ilə yanaşı aidiyyəti idarə və müəssisə rəhbərləri də iştirak ediblər.
Qəbul zamanı vətəndaşları narahat edən işsizlik, yol və su ilə bağlı müraciət və təklifləri dinlənilib. Kənd sakinlərinin səsləndirdikləri məsələlər nəzarətə götürülüb, icra hakimiyyətinin fəaliyyət dairəsinə aid olmayan problemlər isə müvafiq qurumlara bildirilməsi üçün qeydiyyata alınıb. Vətəndaşlar müraciətlərinə baxılması məqsədi ilə yaradılan şəraitə görə minnətdarlıqlarını bildiriblər.