Culfa Rayon İcra Hakimiyyətinin təşkilatçılığı ilə Mədəniyyət Sarayında "Konstitusiya və Suverenlik ili"nə həsr olunmuş 8 Mart - Beynəlxalq Qadınlar Günü münasibətilə tədbir keçirilib.
Dövlət qurumlarında çalışan qadın əməkdaşların iştirak etdiyi tədbirdə əvvəlcə ümummilli lider Heydər Əliyevin və vətənimizin azadlığı uğrunda canlarından keçən şəhidlərin əziz xatirəsi bir dəqiqəlik sükutla yad edildi, Dövlət Himni səsləndirildi.
Tədbirdə çıxış edən Culfa Rayon İcra Hakimiyyəti başçısının müavini, başçının səlahiyyətlərini müvəqqəti icra edən Sara Hüseynova Azərbaycanın dövlətçilik tarixində, milli-mənəvi dəyərlərimizin qorunmasında qadınların böyük rolu olduğunu bildiriblər. Qeyd olunub ki, xalqımız Nüşabə, Məhsəti, Sara Xatun, Natəvan, akademik Zərifə Əliyeva kimi qadınların xidmətlərini bu gün də unutmur.
Culfa Rayon Mədəniyyət Sarayının direktor əvəzi Füzuli Hüseynli çıxışı zamanı Azərbaycan xanımının ailə münasibətlərinə, milli-mənəvi dəyərlərə balığını qeyd etdi.
Sonda iştirakçılara musiqili proqram təqdim olundu.