1 İyun – Uşaqların Beynəlxalq Müdafiəsi Günü münasibətilə Culfa Rayon İcra Hakimiyyətində şəhid və Vətən müharibəsi iştirakçılarının övladları ilə görüş keçirilib.

Tədbirdə Culfa Rayon İcra Hakimiyyəti başçısının müavini, başçısının səlahiyyətlərini müvəqqəti icra edən Sara Hüseynova çıxış edərək uşaqları əlamətdar gün münasibətilə təbrik edib, onlara sağlam, firavan və xoşbəxt həyat arzulayıb. Sonda Uşaqların Beynəlxalq Müdafiəsi Günü münasibətilə uşaqlara hədiyyələr təqdim olunub, xatirə şəkili çəkdirilib.